بيتزا البطاط بالببروني

الصوره تعذيييييييييب اموت بالباباروني

3 بطاطات متوسطة الحجم مقصصه شرايح متوسطة السمك
1 م ك زيت نباتي
1 علبة صلصة البيتزا الجاهزه تنباع غراش بالجمعيات
فلفله خضرا مفرومه
بصله مفرومه
مشروم مفروم
كيس جبن موزريلا
1 ببروني تلاقونه صوب المرتديلا و البسطرمه


الطريقه

1- الفرن يكون على 220 سيليزي
2- غطي قالب الفرن بالقصدير و دهنيه بزيت
3-صفي البطاط و خبزيهم 20 دقيقه
4-بعد الخبز دهني البطاط بالصلصه
5- اضيفي الخضار و بعدا الببروني و اخير شي رشي الجبن على الويه
6- ردي البطاط بالفرن 10 د.ق او لين يذوب الجبن

كيكة الفراشه

اول شي هالكيكه هذي تصير بالنكهه الي تبينها
يعني كاكاو ولا كراميل و لا فانيليا تقدرين تسونها بادوند كيك او اسفنجيه



المهم ان لازم تسوين كيكتج و اتييبينها علشان تطبقين و تحصلين على هالشكل الحلو




و اهني زوووم



و طبعا تقدرين تغيرين بالوانها على كيفج

هااا يبتي كيكتج ؟




قصي النتوئات نبيها تصير مستقيمه و قلبيها



قصيها بهالطريقه



و اهني حركيهم علشان تحصلين على جناح الفراشه طبعا سوي شغلج على طبق التقديم الكبير

زوووم




ندهنها بالكريمه من كل الاتجاهات بكل ترتيب و نظاافه




نجهز الالوان و هي عباره عن الكريمه مالتنا مع نقط ملونه ( نقطه صفرا نقطه خضرا نقطه حمرا و ممكن تغيرين )




نبدي نسوي خطوط الجناح شلون ؟ سوي نقطه مثل هذي




و بالسجينه مديها باستقامه و ترتيب مع مراعاة جهة التداخل



و هني شكل هالخطوط الي تتقابل نوعا ما عند جسم الفراشه



و اهني لما كملنا الالوان و حطينا بيض الصعو و ممكن تبدعين بالام اند ايمز و غيره





الشكل النهائي

كيك بالتوت الامريكي

علبة جبن ريكوتا و ممكن فيلادلفيا اذا ما قدرتي توفرين الريكوتا
كوبين طحين منخول
ربع كوب كاكاو بودر
كوب سكر ناعم
100 جرام زبده
كوب ماي حار
كوب توت امريكي او اذا تبين كرز او فراوله

الطريقه :

الكاكاو و الطحين ننخلهم في صحن

نضيف السكر + الزبده + الماي + الجبن و نخلطهم بخفه

نضيف التوت و نخلط بنعومه علشان لا نفقصهم

نصب هالخليط في القالب المدهون و نخبزه بحراره 160 لمدة ساعه تقريبا او الى ان تستوي حسب حرارة فرنج
رشي فوقها سكر ناعم وقدميها دافيه مع سكوب ايس كريم فانيليا

كيك لذيذ و شكله حلو

السلام عليكم






اليوم اعلمكم طريقة كيكة رووووعه و لذيييييذه






و التزيين يوقف عليكم و ذوقكم
المهم انكم تستغلون العروض الي تلاقونها بمركز سلطان مثلا بكريسمس اشتري صناديق الحلاو الى على عصايه ملونه و طعمها نعناع او اخي الكويكز الي على جنجر مان و بعيد الفصح اخذي الايستر باني و البيض الملون و غيره و خليهم عندج تقريبا كل الي قتله ماعىدا الكوكيز يبقون معاج سنه كامله و يمكن اكثر جيكي على مدة الصلاحية ..





الحين بعد الهذره الزايده :


احب اقولكم ان انا الحمدالله الله انعم علي و عطاني فيران تجارب لوووووووووووول و اهم يعرفون نفسهم بالمنتدى اهني واحد تخصص اكل ياباني و الحمدالله يحب ياكل اليدام من ايدي بس ما يعجبه كل الحلو الي اسويه
و الثانيه كل شي فديتها بس نقدها لااااذع مثل ويهها
الله يخليهم لي



المقادير :





كوب زبده مقطعه يعني 250 غرام
150 غرام كاكاو ابيض مقطع
كوبين سكر ناعم ( بودر )
كوب حليب كي دي دي
كوبين طحين ( المطاحن الكويتيه لان هالطحين الفاخر فيه مواد تتفخ زياده )
1 م ش روح الفانيليا سائل و اذا عندج بودر ميخالف
2 بيض مضروب بخفه
2 م ك بودر كاكاو ( الافضل ما تستخدمين نسكويك اذا عندج جالكسي اطيب )
1 م ش نسكافيه مذوبه ب 1 م ش ماي حار ( نكهة الكوفي )


للتغطيه اي شي انتي تحبينه لكن طريقتي اهي :

كوبين كاكاو بالحليب مقطع + 3\4 كوب كريمة خفق ( كي دي دي مو دريم ويب ! )





الطريقه :



1 -
شغلي الفرن قبل لا تبلشين بالشغل لان الفرن لازم يكون حاااار و لا راح تفش كيكتج و تتلصق و ما تضبط





2- دهني قالبين نفس الحجم و يفضل من النوع الي يتبطل بزبده و رش طحين و اذا عندج بالبيت ورق شمع الي ينباع بمركز سلطان احسن و احسن





3-
خلطي الكاكاو الابيض + الزبده + السكر + الحليب و دخليها المايكرويف 3 دقايق بس ديري بالج 3 دقايق بس و تقدرين دقيقتين حسب حرارة المايكرويف و خليها تبرد ربع ساعه بحرارة المطبخ مو الثلاجه







4- نضيف الطحين عن طريق المنخل + الفانيليا + البيض و نضربهم شوي بالمضرب اليدوي



5- نقسم الكميه الي عندي على قالبين



6- نضيف على القالب الثاني الكاكاو البودر + القهوه المذوبه









7- على نفس الصف بالفرن نحطهم علشان تحوشهم حراره متساويه لمدة 50 د.ق الا اذا فرنج بابه شفاف و شفتي انها انتفخت و استوت



تحذير : اذا بطلتي باب الفرن راح تفشل الكيكه خليج صبوره و نطريها تنتفخ عدل و تنشف من فوق بعد 40 د.ق ممكن تفتحين الفرن و تدخلين عود اسنان او شوكه بالكيكه فاذا طلعت نظيفه مو لازق فيها شي خلاص طلعي الكيكه اذا لا سكري الفرن و نطري 10 د.ق





8- طلعي الكيكه و خليها تبرد لا تحاولين تطلعينها من القالب حتى لو كان المتحرك لين تبرد الكيكه ولا راح تتفتفت !

9- بعد ما تبرد الكيكه طلعيها من القالب و حطيها على الشبك ( مو لازم تشترينه ممكت تحطين شبك الفرن على صينيه عوده و الكيكه على الشبك )

نصيحه : شوراج دخليها الثلاجه لمدة ساعه اذا تقدرين







10 - حطي الكاكاو بالحليب لمدة دقيقه و نص بس بالمايكرويف لان الكاكاو سهل يحترق و تفشل كيكتج الي طولت معاج و بعد ما يذوب خلطيها حيل مع الكريمه لين يتمازج كل الكاكاو و ما يصير في كتل و غطيه بقصدير و حطيه بالثلاجه دقايق و بطليه و هم ردي خلطي و كرري الخطوات و شيلي منها 1\3 كوب







11- قصي كل كيكه من النص فيصير عندج شريحتين لونها ابيض و شريحتين لونها كاكاو نحط اول شريحه على الشبك و تحته الصينيه و نصب من الكوب الي فصلناه ( ثلث كوب من الكاكاو و الكريمه ) بس ما نسوي فوضه صبي شويه و فردي الكميه بالسجين لين تتساوى الشريحه و نحط عليها شريحة كيك ثانيه و نكرر الخطوات لين نوصل للشريحة الاخيره .


[img=http://img412.imageshack.us/img412/8064/55939125.jpg]


12 - نصب التغطيه على الكيكه ككل بهدوووووووء و صبر و لازم تنصب على كل جانب .







13 - زيني الكيكه مثل ما تحبين اما بالقمع او بالحلاو او المارشميلو او الفليك المبشووور عندج الخيار كله و الاحلى انج تقدرين تكتبين عليها اسم الشخص الي بتحتفلين فيه او الي بتهدينه الكيكه او حتى المناسبه





و هاذي من داخل






و رايكم

دجاج بالثوم و الاجبان

دجاج بالثوم و الاجبان





زبده
صدرو دياي بدون عظم و بدون جلد
ثوم بودر
ملح
فلفل اسود
بودر بصل
بهارات
جبن تشيدر
جبن موزريلا
جبن كيري
جبن بارميزان


الطريقه :


نقلي الدياي بالزبده و نرش عليها كل المكونات ما عدى الاجبان
من يستوي الدياي نضيف الاجبان و هو حار علشان يذوبون عليه
نقدم الدياي على طول

احلى من كنتاكي

دياي مقلي





3 اكواب طحين
بقسماط
ملح
بودر ثوم
بودر بصل
فلفل اسود
2 بيض
4 اكواب لبن
كوب باربيكيو صوص
ملعقتين من صلصة ووركيسترشير
ملعقه صلصة اتش بي
بهارات
دجاج مقطع مغسول و جاهز
زيت غزير للقلي



الطريقه :

في طبق عميق نحط الطحين + الملح + البهارات + بودر الثوم + بودر البصل + الفلفل الاسود
في قدر آخر نحط البيض + اللبن + الصلصات الثلاثه
ييبي قطع الدياي غمسيها في خليط البيض عقب بالطحين و كرري هالخطوه مع كل قطعه مرتين
اقلي الدياي لين يستوي

شورت كيك

الكيكه الاسفنجيه
بيضتين
75 غرام سكر ناعم
75 غرام طحين


الحشوه
ملعقه كبيره سكر بودر
ربع ملعقة شاي روح الفانيليا
علبة قيمر
نص علبة كريمه سائله
مربى فراوله
رشة سكر بودر للتزيين


نخفق البيض لثواني
نضيف على البيض السكر
و نخفق لين يصير اللون ابيض تقريبا يعني تقريبا 5 دقايق




















نضيف الطحين بالملعقه بالتدريح
و نخفق بالملعقه لين يتجانس الخليط يصير مخملي مثل ما يقولون
لا تدورين بالقفشه
حاولين تشيلين من تحت الى فوق علشان لا يطلع الهوا من الكيكه
















نصب الخليط في قالب مدهون و مرشوش عليه طيحن
بالفرن على حرارة 180 لمدة 20 الى 30 دقيقيه






اول ما تستوي طلعيها و برديها قبل لا تفصلينها عن القالب
















بسجينه طويله قصي الكيكه من النص بالعرض فيصير عندي طبقتين و ما تجربين تسوين هالحركه الا لما الكيكه تكون بارده

دهني كل طبقه بالمربى و خليط الكريمه ( بالخلاط قيمر + الكريمه + السكر + الفانيليا )