فطيرة الكاكاو الدسمه
المقادير
الكرست الجاهز بمركز سلطان تلاقين ب 900 فلس و ممكن اذاما تقدرين تحصلينه تطحنين بسكوت
و تذوبين زبده و رشة ملح و تحمسينهم شوي و تصفينهم بقاع القالب و تدخلينه الثلاجه يتماسك
لين نخلص الطبقه الثانيه
كوب و ربع سكر بودر
3ونص ملاعق كاكاو بودر
نص كوب زبده سايحه
1 حليب محلى نستله وسط
2 بيضه مخفوقه
ملعقه صغيره روح الفانيليا
ثلاث ارباع كوب جوز مطحون و تلاقينه بمركز سلطان باسم ( بقان )
الطريقه :
سخني الفرن مسبقا حرارته تكون 200
خلطي السكر + الكاكاو + الزبده و صبيهم على الحليب المحلى
ضيفي البيض + الفانيليا + الجوز
الخليط السابق ينصب على الكرست و يدخل الفرن 10 د.ق
نزلي حرارة الفرن الى 165 درجه و خلي القالب داخل نص ساعه
بس خلصنا بكل سهوله وسرعه
تقدم بارده طبعا
عليكم بالعافيه
ليست هناك تعليقات:
إرسال تعليق