صلصتين للباستا

صلصة الطماط و الريحان :







المقادير :

3 ملاعق كبيرة زيت زيتون ممتاز بكر
1 بصله كبيره مفرومه
فصين ثوم مدقوق
علبة معجون طماط
رشة فلفل احمر حار و ممكن الاستغناء عنها
2 ملعقة شاي خل البلسميك
2 ملعقة شاي سكر
كوب الا ربع من اوراق الريحان فرميها كبار يعني تبين كبييييره مو صغار
ملح و فلفل



الطريقه :

الثوم و البصل تشوحينهم بزيت الزيتون
اضيفي المعجون + الفلفل + الخل + السكر و خلي المكونات تغلي على نار متوسطه
بعد الغليان خففي النار
بعد ما تثخن الصلصه و عاده تاخذ اكثر من نص ساعه شيليها من النار
ضيفي اوراق الريحان و صبيها على الباستا الي انتي طبعاً سالقتها بماي وملح و دهن
و صابه عليها ماي مثلج و رشي الملح و الفلفل



ممكن ترشينها ببارميزان و انا اعتبره السر

صلصة السبانخ و الريحان




المقادير

كوب و نص سبانخ
كوب الا ربع ريحان
نص كوب صنوبر محمص
نص كوب جبن بارميزان مبشور
4 فصوص ثوم مدقوق
ملح و فلفل اسود
ملعقة عصير ليمون
نص ملعقه بشر ليمون
نص كوب زيت زيتون بكر ممتاز
ملعقه جوز


الطريقه :

في الخلاطه نحط السبانخ + الريحان + الصنوبر + الجوز + بارميزان + ثوم + ملح و فلفل + عصير ليمون + بشر الليمون + 2 ملعقة زيت زيتون
اثناء الخلط نضيف الباجي من الزيت الى ان تتجانس الصلصه و تصير نااااااعمه وقتها نصبها على الباستا